इजोरियामे नमरल आर्द्रांक मेघ

डाम्ह लताम-सन पीयर मेघ
इजोरियाक लेबर-रूम मे छटपटाइत अछि
झिसीआइत |
बाँसक झोंझ निराव
कौआक टेल्ह-गेल्ह सकदम्म |
प्रतीक्षा अछि
बहरायत मेघक पेटसँ
बहुत नाम आ बहुत चाकर
एक टा उज्जर झील
जाहिमे लतरत पुरैनिक पात --
बहुत रास !
जाहिमे नमरत सहस्त्रदल कमलक इजोत
बहुतरास  इजोत !
मुदा दर अछि--
झीलके कछेरमे सगबगायत --
लाल लाल आणखी बाला गोहि
सों-सों करत
आ……
नहि जानि……
क….क….रा…..???
उठा लऽ जायत   !